Eelam5.com

விடுதலைப் புலிகள் இயக்க முன்னாள் உறுப்பினர் மலேசியா சிறையில் சாவடைந்துள்ளார்!
Sunday, 17.06.2018, 08:33pm (GMT)

மலேசியாவில் இருந்து கப்பல் மூலம் மற்றொரு நாட்டிற்கு செல்ல முயன்று, மலேசிய குடிவரவு திணைக்களத்தினால் கைது செய்யப்பட்டு சிறையில் அடைக்கப்பட்டிருந்த போது மரணமடைந்த இலங்கை அகதி விடுதலைப் புலிகள் இயக்க முன்னாள் உறுப்பினர் என தெரியவந்துள்ளது.

மன்னார் பெரிய பண்டிவிரிச்சான் பகுதியை சேர்ந்த 30 வயதுடைய ஜூட் மயூரன் சில தினங்களுக்கு முன் மலேசிய குடிவரவு திணைக்களத்தினால் கைது செய்யப்பட்டு சிறையில் அடைக்கப்பட்டிருந்த நிலையில் சாவடைந்துள்ளார்.

இவருக்கு மூச்சுத் திணறல் பிரச்சினைகள் இருந்ததாகவும், அதுவே இவரது சாவுக்குக்கு காரணம் எனவும் தெரிவிக்கப்பட்டிருந்தது.

குறித்த நபர் 2010 ஆம் ஆண்டு காலப் பகுதியிலேயே மலேசியாவிற்கு சென்று தஞ்சம் கோரியவராவார். இவரைப் போன்று 3000-க்கும் அதிகமான அகதிகள் மலேசியாவில் தஞ்சமடைந்துள்ளனர்.

சாவடைந்த ஜூட் மயூரன் கடந்த 2009 ஆம் ஆண்டு காலப் பகுதி வரை தமிழீழ விடுதலைப் புலிகள் அமைப்பில் உறுப்பினராக இருந்து செயற்பட்டுள்ளதாக தெரியவருகிறது, அதேவேளை இவரின் மரணம் தொடர்பில் சந்தேகங்களும் எழுப்பப்பட்டுள்ளது.
செய்திப் பதிவு! தி.தமிழரசன்


Copyright © 2005-2008 [iAG] Nulled. All rights reserved.