Eelam5.com

மாவீரர் பெற்றோர்கள் கௌரவிப்பு நிகழ்வு மட்டு/அம்பாறையில் உணர்வொழிச்சியுடன் நடைபெற்றது.
Saturday, 24.11.2018, 03:06pm (GMT)

இன்றைய தினம் 24-11-2018சனிக்கிழமை ஜனநாயக போராளிகள் கட்சியின் ஏற்பாட்டில் மட்டக்களப்பு, வெல்லாவெளி பிரதேசத்தில் மாவீரர் பெற்றோர் உரித்துடையோர் கௌரவிப்பு நிகழ்வுகள் இடம்பெற்றது.

இனத்தின் விடுதலைக்கு தம்மை ஆகுதி ஆக்கியோரை நினைவில் கொள்ளும் காலமதில் தேச விடுதலைக்காய் தம் சந்ததியை உவந்தளித்த பெற்றோரை மதிப்பளித்தல் இனத்தின் வரலாற்று கடமையாகும்.

அந்த வகையில் இன்றைய தினம் நூறுவரையிலான மட்டக்களப்பு அம்பாறையை சேர்ந்த மாவீரர்களின் திருவுருவப்படங்கள் பெற்றோரிடம் கையளிக்கப்பட்டது.

நினைவேந்தல்கள் கௌரவிப்புக்கள் என்கின்ற நிலைகளையும் தாண்டி மாவீரர் பெற்றோர் உரித்துடையோர்களின் அன்றாட வாழ்வியல் தேவைகள் குறித்து மிகவும் கரிசனையுடனும் பொறுப்புடனும் செயலாற்ற வேண்டிய தேவை போராளிகளிடமும், தேசியத்தை நேசிக்கின்ற அத்தனை தமிழ் சந்ததிகளிடமுமே காலம் கையளித்துள்ளதென்பதை அன்புரிமையுடன் தெரிவித்துக் கொள்கிறோம்.

நன்றி,
க.துளசி,
ஊடக பிரிவு,
ஜனநாயக போராளிகள் கட்சி.



செய்திப் பதிவு! தி.தமிழரசன்


Copyright © 2005-2008 [iAG] Nulled. All rights reserved.